e_a_s_t_e_r

長假期又結束，今個假期由喉嚨痛變失聲王再變咳嗽王，昨晚還咳通宵到天光先入睡，今日中午起身拿拿臨洗左面刷左牙早/午餐都未食就去睇醫生，好在都係傷風咳，我重以為咳到咁犀利係支氣管炎 (以前試過)。

除左咳之外，呢個假期只係去左南丫島camp，原本有聚會同去打保齡，不過咳到史都冇去聚會同將打保齡延期，唯有在家咳同瞓。假期時南丫島人頭湧湧，一點都沒有離島的寧靜，香港為什麼那麼多人!!

在南丫島最爆笑莫過於到渡假屋附近的小食店食野，有第二枱人叫了兩碗豆腐花要糖，店員A卻與店員B說了一句︰「兩個乳房！」。究竟為什麼要豆腐花會變成要兩個乳房呢? (好在當時我係垂下頭食緊麵，如果係飲緊豆漿實噴到成枱都係)