一個字頭的誕生 (四)

在IKEA轉做Full time後，暫時忘卻將來要怎樣走，總之見步行步啦。在IKEA荃灣店裡，part-time時已做過幾個部門，有家居用品部、傢俬部、裝飾設計部、客戶服務部，轉做full time後一直在傢俬部，幫客人出單，約送貨，解答客人疑問等等。當中有相當多的傢俬知識需要學，與及相當多的不同傢俬組合需要記，初時都幾吃力。其實幫到客人買到他們的心水，解開他們的疑慮，都幾有滿足感的，特別開到d過萬元的單都相當興奮。不過印象最深刻是一次有一個印度人，我同佢開完單後佢主動同我扼手講thank you，佢一副滿意的樣子，也令我感到高興和滿足。

好景不常，過了98年的農曆年，經濟衰退，店的生意一落千丈，甚至路過周圍望望的客也少得可憐，在counter經常日日齋企，就咁過左兩個月，我覺得再如此下去，我寧願唔做都好過每日虛渡光陰，於是便辭職了。這次辭職卻令我走入一個深坑。

不知是否內心基於之前interview light design的失敗，對interview產生了恐懼，以及完全喪失信心。令自己唔敢去搵工!!因為怕interview!! 就是這樣過了一年多現在所謂「隱蔽青年」的生活，雖然有時也有出街，但回想當時自己都幾自閉!同埋係幾咁冇自信。這段時期 (大約1998年5月至1999年9月，當時我21-22歲)是我人生中低潮的日子。

否極泰來，面臨人生中的低潮，轉捩點就在這時出現，可是卻緊隨著出現另一個低潮，真係低處未算低!!