世界盃

四年一度世界盃，身為球迷當然關我事。唔知幾時可以去現場睇呢?

峰壽司 -- 令人滿足的食店

今晚再去白沙道的「峰壽司」吃晚飯，不枉等了這長期人龍店9個字，它再次令我食完後感到滿足非常！

由香港迴轉壽司普及化始祖「元綠」，到「元氣」，「東京」，新登陸的「一壽司」及IFC的「千襾」，我覺得以「峰壽司」最抵食。

論食物質素，「千襾」算是眾迴轉壽司店中最高，但價錢稍為偏高。若以食物質素及價錢取一個平衡，「峰壽司」便勝一籌及可以忘記元綠，元氣，東京等迴轉壽司店。

最令我滿足的是它的帶子壽司，帶子之厚，在口裡咀嚼時簡直感動！必食之選。其次推介蜆仔湯，湯非常鮮甜，加上蜆仔不太細，不太大，好美味！最好趁熱飲哂佢，凍左就唔好飲。另驚喜作為饅魚壽司，一直於其他店舖食的饅魚都帶點腥及醬汁不配合饅魚，可是「峰壽司」卻不同，醬汁做得洽到好處，唔會「漏」又唔會鹹甜不分，GOOD！

「峰壽司」基本所有用料皆新鮮，魚生又唔會孤孤寒寒切得很薄，去了兩次暫時沒有一款食物是令我不滿意的。

唯一缺點應是如打算於食飯時間去食的話，便預備要等至少半小時至一小時才有位。如太肚餓就咪等喇。有耐性等的話，食飽後一定令您忘記頭先等左幾耐。

安安休哉悠哉為食實錄

水母萬花筒

呢種叫斑彩水母



呢種叫炒蛋水母!似炒蛋咩?!



呢種唔記得

再見中學同學

於Friendster遇返6年冇見的中學同學，早前已經一班人一起吃了晚飯。最近還與和我同年同月同日生的同學一起慶祝，別具意義。

last year of 20s'

生日當天去了海洋公園玩，哈哈，勝在可以免費玩一日，抵哂！
其實我自小學六年級後也沒到過海洋公園，所以都好期待去玩。
當天麻煩的是經常下著雨，要擔住遮周圍行。
入場後先參觀亞馬遜探索之旅，見到好多稀見的昆蟲，有d草蜢成隻手咁大！之後上山睇水母，玩跳樓機，過山車等機動遊戲，食過午餐去睇海洋館，海洋劇場 ，d海豚海獅好叻，海獅仲識「一鰭禪」！睇完精彩表演繼續玩機動遊戲，越礦飛車，滑浪飛船(有人竟然冇濕身！)。落返山前睇埋鯊魚館，最後當然要探探安安同佳佳，真係好鬼可愛，佳佳剛剛訓醒坐左o係度發o牛豆好得意，安安就成個大爺躺在地上，攬住d竹係咁食。臨閂門前仲可以玩轉旋轉木馬。

夜晚去左銅鑼灣名珠城「一生」日本料理放題食晚飯，一位$168任叫任食。不過食物質素一般，落單又亂七八糟。兩個人加埋三百幾元，不如去「峰壽司」食返十幾碟仲划算。

多謝伸利為我做的一切慶祝活動。今年非常開心又非常"LUM"。

生日驚喜

繼忽然上門親手整熱檸蜜後，剛到小弟生日零時零分又有一個驚喜！
女朋友於6月1日零時帶著她當天特意去學的藍莓芝士蛋糕 (+肥註︰我是很喜歡吃藍莓味的食物)，來到我家附近的海濱長廊，送上這份生日禮物！
她打給我時我並不在家，知道她來了後拿拿臨搭的士過去。收到這份禮物實在驚喜！
個蛋糕當然非常好食啦，正！
多謝伸利。